ਹਰ ਚਿਹਰੇ ‘ਤੇ ਮੁਸਕਰਾਹਟ ਲਿਆਉਂਣ ਵਾਲਾ ਹੈ ਕੇਂਦਰੀ ਬਜ਼ਟ-ਕੇਵਲ ਢਿੱਲੋਂ
Advertisement
ਕੇਵਲ ਢਿੱਲੋਂ ਨੇ ਕੇਂਦਰੀ ਬਜ਼ਟ ਨੂੰ ਸਰਾਹੁੰਦਿਆਂ ਕਿਹਾ,ਕਿ ਬਜ਼ਟ ਕਿਸਾਨਾਂ ਅਤੇ ਦੇਸ਼ ਦੀ ਤਰੱਕੀ ਵਾਲਾ
ਸੋਨੀ ਪਨੇਸਰ, ਬਰਨਾਲਾ 1 ਫਰਵਰੀ 2025
ਭਾਰਤੀ ਜਨਤਾ ਪਾਰਟੀ ਦੇ ਸੂਬਾਈ ਸੀਨੀਅਰ ਲੀਡਰ ਤੇ ਸਾਬਕਾ ਵਿਧਾਇਕ ਕੇਵਲ ਸਿੰਘ ਢਿੱਲੋਂ ਨੇ ਕੇਂਦਰੀ ਬਜਟ ਦੀ ਸ਼ਲਾਘਾਂ ਕਰਦਿਆਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਕੇਂਦਰ ਦੀ ਬੀਜੇਪੀ ਸਰਕਾਰ ਦਾ ਅੱਜ ਸੰਸਦ ਵਿੱਚ ਪੇਸ਼ ਅਤੇ ਪਾਸ ਕੀਤਾ ਗਿਆ ਬਜ਼ਟ ਦੇਸ਼ ਅਤੇ ਕਿਸਾਨਾਂ ਦੀ ਤਰੱਕੀ ਵਾਲਾ ਤਾਂ ਹੈ ਹੀ, ਇਹ ਬਜ਼ਟ ‘ਵਿਕਸ਼ਿਤ ਭਾਰਤ’ ਲਈ ਇਤਿਹਾਸਕ ਸਿੱਂਧ ਹੋਵੇਗਾ।
ਕੇਵਲ ਸਿੰਘ ਢਿੱਲੋਂ ਨੇ ਕਿਹਾ ਕਿ ਕੇਂਦਰ ਸਰਕਾਰ ਪਹਿਲਾਂ ਹੀ 22 ਫ਼ਸਲਾਂ ਉਪਰ ਐਮਐਸਪੀ ਦੇ ਰਹੀ ਹੈ। ਉਥੇ ਸਰਕਾਰ ਨੇ ਇਸ ਬਜ਼ਟ ਵਿੱਚ ਹੁਣ ਦਾਲਾਂ ਅਤੇ ਕਪਾਹ ਦੀ ਹੋਰ ਵਧੇਰੇ ਖਰੀਦ ਕਰਨ ਦਾ ਟੀਚਾ ਮਿੱਥਿਆ ਹੈ। ਇਸ ਤੋਂ ਇਲਾਵਾ ਕਿਸਾਨ ਕਰੈਡਿਟ ਕਾਰਡ ਦੀ ਲਿਮਟ 3 ਲੱਖ ਤੋਂ ਵਧਾ ਕੇ ਪੰਜ ਲੱਖ ਰੁਪਏ ਕਰ ਦਿੱਤੀ ਹੈ। ਜਦਕਿ ਸਸਤੇ ਵਿਆਜ ਦੀ ਕਰਜ਼ਾ ਹੱਦ ਵੀ ਪੰਜ ਲੱਖ ਰੁਪਏ ਕਰ ਦਿੱਤੀ ਹੈ। ਕਿਸਾਨਾਂ ਲਈ ਯੂਰੀਏ ਦੀ ਸਮੱਸਿਆ ਦਾ ਹੱਲ ਨਵੇਂ ਯੂਰੀਆ ਪਲਾਂਟ ਨਾਲ ਕੀਤਾ ਜਾਵੇਗਾ।
ਕੇਵਲ ਸਿੰਘ ਢਿੱਲੋਂ ਨੇ ਕਿਹਾ ਕਿ ਮੱਧਵਰਗ ਨੂੰ ਇਨਕਮ ਟੈਕਸ ਦੀ ਵੱਡੀ ਛੋਟ ਦਿੱਤੀ ਗਈ ਹੈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਾਮਨ ਵਲੋਂ ਪੇਸ਼ ਕੀਤਾ ਗਿਆ ਬਜ਼ਟ ਇੱਕ ਗੇਮ-ਚੇਂਜਰ ਹੈ, ਜੋ ਸਮਾਜ ਦੇ ਸਾਰੇ ਵਰਗਾਂ ਲਈ ਵਿਕਾਸ, ਖੁਸ਼ਹਾਲੀ ਅਤੇ ਸ਼ਮੂਲੀਅਤ ਨੂੰ ਯਕੀਨੀ ਬਣਾ ਕੇ ਹਰ ਚਿਹਰੇ ‘ਤੇ ਮੁਸਕਰਾਹਟ ਲਿਆਉਂਦਾ ਹੈ। ਸਭਕਾ ਸਾਥ, ਸਭਕਾ ਵਿਕਾਸ, ਸਭਕਾ ਵਿਸ਼ਵਾਸ ਦੇ ਫ਼ਲਸਫ਼ੇ ਵਿੱਚ ਜੜਿਆ ਇਹ ਬਜਟ ਗਰੀਬ, ਨੌਜਵਾਨ, ਅੰਨਦਾਤਾ ਅਤੇ ਨਾਰੀ ‘ਤੇ ਕੇਂਦਰਿਤ ਇੱਕ ਦੂਰਅੰਦੇਸ਼ੀ ਰੋਡਮੈਪ ਤਿਆਰ ਕਰਦਾ ਹੈ, ਇਹ ਯਕੀਨੀ ਬਣਾਉਂਦਾ ਹੈ ਕਿ ਵਿਕਾਸ ਦੇ ਲਾਭ ਆਖਰੀ ਮੀਲ ਤੱਕ ਪਹੁੰਚ ਸਕਣ।
ਢਿੱਲੋਂ ਨੇ ਕਿਹਾ ਕਿ ਮਾਨਯੋਗ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਜੀ ਦੀ ਗਤੀਸ਼ੀਲ ਅਗਵਾਈ ਵਿੱਚ, ਭਾਰਤ ਇੱਕ ਦਹਾਕੇ ਦੇ ਪਰਿਵਰਤਨਸ਼ੀਲ ਸੁਧਾਰਾਂ ਅਤੇ ਸਾਡੀਆਂ ਸੰਭਾਵਨਾਵਾਂ ਵਿੱਚ ਵਧਦੇ ਵਿਸ਼ਵ ਭਰੋਸੇ ਦੁਆਰਾ ਪ੍ਰੇਰਿਤ, ਸਭ ਤੋਂ ਤੇਜ਼ੀ ਨਾਲ ਵਿਕਾਸ ਕਰਨ ਵਾਲੀ ਪ੍ਰਮੁੱਖ ਅਰਥਵਿਵਸਥਾ ਬਣ ਗਿਆ ਹੈ। ਵਿਕਸ਼ਿਤ ਭਾਰਤ ਲਈ ਮੋਦੀ ਜੀ ਦਾ ਦ੍ਰਿਸ਼ਟੀਕੋਣ ਸਪੱਸ਼ਟ ਹੈ ਕਿ ਗਰੀਬੀ ਦਾ ਖਾਤਮਾ, ਸਾਰਿਆਂ ਲਈ ਮਿਆਰੀ ਸਿੱਖਿਆ ਨੂੰ ਯਕੀਨੀ ਬਣਾਉਣਾ, ਕਿਫ਼ਾਇਤੀ ਸਿਹਤ ਸੰਭਾਲ ਪ੍ਰਦਾਨ ਕਰਨਾ, ਪੂਰਨ-ਹੁਨਰਮੰਦ ਰੁਜ਼ਗਾਰ ਪ੍ਰਾਪਤ ਕਰਨਾ, ਔਰਤਾਂ ਨੂੰ ਆਰਥਿਕ ਤੌਰ ‘ਤੇ ਸਸ਼ਕਤ ਕਰਨਾ, ਅਤੇ ਸਾਡੇ ਕਿਸਾਨਾਂ ਨੂੰ ਭਾਰਤ ਨੂੰ ਵਿਸ਼ਵ ਭੋਜਨ ਦਾ ਭੰਡਾਰ ਬਣਾਉਣ ਲਈ ਮਜ਼ਬੂਤ ਕਰਨਾ ਹੈ।
Advertisement
